~It's Winter~ Seoul 2010 Day 1－私の旅行日誌~

Day 1

12月3 星期五

今天的行程~

香港 --> 首爾

香港時間

23:57 Boarding Gate 30 (CX412 STD 00:20 from Hong Kong to Incheon)

00:15 Block out

00:35 Take off

01:10 Dinner

韓國時間

04:25 Landing到仁川機場

04:32 Arrive Gate

04:48 上train ~04:51

05:09 拎行李 Belt 16

05:44 上airport bus

07:12 到Toyoko Inn

07:40 出去

08:33 到曹溪寺

09:00 到仁寺洞Starbucks

13:10 lunch

14:15 離開

15:15 回到酒店

23:18 出去 ~東大門

00:15 回到酒店

0黎個Pre-flight心情先~ 近排其實好多0野煩, 所以都冇乜特別興趣感覺, 加上首爾我已經去過兩次, 今次係兩年內第三次~ 不過明明知道係FLT OPEN實上到機, 我都係有0的緊張~ 雖然話我最想去0既未必係首爾, 但今次應該唔駛咁趕, 可以hea 0的慢0的~

個餐唔係唔好食, 但又唔可以講得上好食~ 好懷念港龍釜山個石頭撈飯加Haagen-Dazs批, 唔知食家KA318係咪都係食呢0的呢?? 其實我覺得港龍0既service好0的, 佢0地會派menu, 仲有nuts, CX都冇0既~ 仲有唔知點解0的crew唔講廣東話, 真係要扮英文好勁?? 凌晨機香港人多, 再唔係0的chum chum chum都唔係好識聽英文啦~ 我都係覺得親切0的好0的~

老實說我都覺得自己今日有0的燥, 可能因為真係好多0野煩, 我都唔想咁多0野諗~ 0的crew都低能0架, 明知係訓著0左, 都要嗌醒你問你駛唔駛收0左0的0野飲................ 低能!!! 我真係好攰先會0係飛機訓著, 咁就俾你嘈醒0左啦~ 諗起0個時搭JL內陸機, 派0野飲時唔會嗌醒你, 會貼張memo 0係前面話「訓醒未? 如果口渴想飲0野可以叫我0地~」總括0黎講我都係覺得CX一般, 唔值咁貴0既機票~

仁川機場真係好大, 相比起香港機場真係好細~ 由仁川去Toyoko Inn真係好遠, 訓醒0左都未到.................. 媽咪就話好凍, 其實我覺得唔係好凍, 不過唔知點解天光後有太陽反而越0黎越凍................

行0左一陣曹溪寺, 因為好凍要坐低, 就去0左仁寺洞Starbucks, 順便同Frankie (同事) 買個杯~ 其實我真係冇諗住再0黎仁寺洞, 更加唔打算飲Starbucks (其實去到邊, 間間Starbucks都係一樣, 呢0的globalization同standardization)..................... but anyway, 我喜歡呢種坐底寫寫寫0既感覺~ 尤其是用返支0.7寫字, 個人都開心0的~ 而且呢到可以上wi-fi, 太好啦~ 終於up到張相上facebook~ 再而且, 我阿媽話呢到0的包好好食~

有時我覺得我阿媽真係太fussy, 又或者我真係太習慣一個人~ 一個人聽住ipod行街感覺其實好好~ 唔需要有乜目的, 係咁周圍行睇下街~

女人行街0既能力真係勁0的, 冇諗過仁寺洞都可以行咁耐~ 仁寺洞好多遊客, 其實唔似自由が丘, 有好多細細間0既cafe, 餐廳都好多~ 估唔到第一日就買晒0的手信, 又係仁寺洞, 而且唔貴~ 0的sales大部份都識日文, 有0的英文、普通話都OK, 所以暫時溝通冇問題~

好想食返上次個갈비鍋, 我係認得間餐廳0既, 但我真係唔係好記得exact位置同點去, 不過後尾行到「ㅅㅅ」又俾我見到喎~ 不過佢今年冇0左上年0既聖誕裝飾, 其實普遍都冇乜聖誕裝飾, 難道要去到N Seoul Tower先有??? 入到去, 個menu唔同0左, 冇0左個갈비鍋, 變0左做pan-fried, 一個set, 價錢同上年差唔多~ 先0黎0的伴菜, 估唔到有海帶湯飲, 中正0左我聽日生日~ 個pan-fried갈비好好食, 0的年糕好好食, 伴菜好好食, 但又係好多, 食唔晒~

食完返去, 已經三點, 可以上房~ 唉, 不過同去日本一樣, 又係一返到酒店就訓, 訓0左唔起身出去................ 同阿媽一齊唔好處係佢好蛇”gwe”, 唔可以好似自己去日本咁自己出去~ 其實係應該出去行0既, 但我都有0的攰............ 同埋聽日真係要買0的杯麵, 因為我真係會肚餓.................... 唔知聽日有乜早餐食呢? 應該同釜山唔同0卦~

結果最後都有再出去, 行0左一陣, 食0左燒雞串, 感覺冇咁0徙時間~ 明白0的日本人點解一開口唔理人0地識唔識都講日文啦, 我阿媽同0的韓國人一開口都係講廣東話!!!

我與炸紅豆包~

曹溪寺~

갈비~

今天的費用~

airport bus	₩14,000 x 2
17茶	₩1,000
T-money	₩6,000 x 2
炸紅豆包	₩1,000 (兩個)
Starbucks	₩18,000 ₩4,600 (杯)
Toyoko Inn	₩346,500
lunch	₩33,000
手信	₩65,000
燒雞串	₩3,000 (兩串)
Family Mart	₩4,700
柑	₩1,000