~MY RED LINE~ Kansai 2011 Day 5－私の旅行日誌~

Day 5

11月5 星期六

今天的行程~
大阪 --> 奈良 --> 大阪

09:00 出去

09:08 到JR

09:16 上特急はるか

10:23 到奈良

10:55 上巴士

11:05 到平城宮跡(世界遺產)

12:55 離開上巴士

13:15 下車

13:20 到藥師寺(世界遺產)

14:35 離開

14:48 到唐招提寺(世界遺產)

15:25 離開

15:58 上巴士

16:52 到JR奈良駅 ~行街

18:29 離開上JR

19:07 到天王寺

19:36 到新大阪

20:03 回到酒店

今日天氣好差, 冇陽光, 仲會落雨, 一冇陽光就凍啦................... 天気が悪いけど、やっと奈良に着いた～!!!奈良真係一個好tourist-friendly 0既城市~地圖乜都有, 仲俾我發現有個星期六日0既觀光巴士pass, 仲係一個木牌, 仲比我原本0係書到睇0既一日券仲平¥300, so good~

平城宮跡有個歷史館, 有外國護照就無料入場, 太好啦, 好彩我有帶護照0者~ 裏面唔大, 但佢0的VTR全部都整得好靚, 又有字幕, 我都仲睇得明~ 0個個12分鐘0既VTR, 有五個screen, 成個平城京映出0黎, 好震撼呀~!!! 跟住係朱雀門同太極殿, 原來兩個係分得好遠0架............. 行完朱雀門, 竟然有人搵我做問卷............. 我都話我唔係日本人, 佢都仲要問, 好彩我都仲答到佢~ 個太極殿真係好遠, 有諗過唔行過去, 但冇意志先會唔行0架0者, あたしこんな意志があるよ~ 行0左咁多日古跡, 其實所有古跡都要復修, 不過太極殿俾我0既感覺有0的假~ 係咁落雨, 又凍又麻煩先~

朱雀門~

之後去藥師寺, 個入場費好貴, 但都好多0野睇~ 好老實說, 係因為堂本剛我先會0黎奈良, 先會0黎藥師寺, 返去要睇返藥師寺個live先~ 藥師寺有0的壁畫係講釋迦出生到死0既故事, 好似佛牙寺講0個0的~ 不過我鍾意佢話釋迦29歲追求0既唔係物質0既幸福, 係精神0既幸福~ 我都就0黎29歲啦, 究竟我追求0的乜呢?

之後係唐招提寺~ 之後再行返去藥師寺個停車場等車, 先發現原來普通巴士都搭得, 咁0岩0岩0係唐招提寺就可以直接搭返去駅, 唔駛行返轉頭啦............. 而且唔駛轉完一次車又再轉, 仲兜0左大圈.................. 不過就算冇周圍兜, 我都唔夠時間再行多個寺, 以我0係京都0既速度, 我都知我係行到三個地方到~ 冇辦法啦, 一日真係唔夠, 有機會再0黎啦~ 我覺得奈良比京都更靜, 星期六街上面都冇乜人, 車反而好多, 仲塞車, 我唔係太鍾意~ 而且今日天氣真係好差, 落雨落唔停, 又去唔到餵鹿, 好似冇0黎過咁.................

原本諗住早0的返去, 但都係行街行街行街, 買0左少少0野~ 硬係唔想咁快返去~ 唔知點解send msg叫佢0地(同事)幫手check load, 完全冇人覆喎, 好驚先!!! 希望無事上到機啦~

奈良特產 - 柿の葉寿司~

每次都要食, 我0既最愛 - America Dog~

夜晚0的音樂節目真係好好睇~ 板野友美原來0係AKB到唔係咁紅, 0的live次次都係企側邊~ 前田敦子唔係特別靚, 唔歌唔係特別好聽, 雖然成日都係centre講0野, 但佢完全唔識對鏡頭唔識講0野, 佢紅因為佢係一期生, 同埋佢個樣成日都慘慘地, 好惹0的おたく憐愛~唔知點解個live冇板野友美0既?? 唔通真係病0左要休息? CDTV播返1999年11月6日個ranking, 0的歌都係我以前聽開0既歌, 仲有KinKi 0既「雨のMelody」, 好懐かしい~ 原來メロン記念日0既柴田あゆみ依家自己solo~

講返奈良, 真係希望有機會再0黎過, 因為真係好多地方想去而又未去到~ 如果好天去一定會好開心~ 聽朝就要走啦, 感覺係日日都好似唔夠時間用, 日日都好攰, 但其實日日都訓得好多............. 原本打算個FB album叫”MY RED LINE”, 結果紅葉冇乜, RED LINE變0左做寺廟0個0的RED............. 剛くん0既ふるさと, 我一定會再0黎0架~

今天的費用~

觀光巴士pass	¥500
藥師寺	¥1,220
唐招提寺	¥480
鹿仔鎖匙扣	¥1,000
柿の葉寿司	¥1,197
お菓子	¥1,050
JR	¥890 x2 (incld in JR WEST PASS)
LAWSON	¥731