桜色舞うころ ~春 in Tokyo 2012~ Day 4－私の旅行日誌~

Day 4

4月9 星期一

今天的行程~

東京 --> 埼玉 --> 東京

09:00 食早餐

10:10 出去

10:20 上JR

10:55 到大宮

11:19 到大宮公園駅

11:38 到大宮公園

14:55 離開

15:20 到大宮公園駅

15:36 到岩槻駅

16:45 到岩槻城址公園

17:12 離開

17:50 到岩槻駅

18:09 到大宮

18:55 到上野

19:20 到上野公園

20:30 離開

20:50 到池袋

21:26 回到酒店

呢間東橫INN除0左多香港人, 仲好多外國人~ 其實輻射好多人都唔驚~ 見到人0地拎住本正文社, 我發覺我帶0左0黎都冇用過, 係用0黎買個保險0者~ 呢幾日個腦可能太忙, 忙住諗去邊 / 搭乜車 / 食乜好, 根本冇時間俾我諗其他0野, 或者我依家都仲未係好hea~

死啦, 食0左藥之後好眼訓, 冇乜意識................. 個妝又化得唔好, 唔係幾開心............. 又唔記得買茶(雖然話去便利店買都得), 仲有我發現舊電我叉完之後我冇帶到...................... 我究竟做緊乜呢? 雖然話我依家舊電都夠用一日~ 其實我真係唔識行, 係咁跟住0的阿公阿婆行, 攰到完全唔想諗0野......................

呢個公園好大, 仲分0左公園第一、第二、第三~ 圍住成個圈都係櫻花~ 好彩今日0既天氣都幾舒服, 有少少風, 又有太陽, 而且今日冇咁多人, 舒服好多~ 我呢到應該係第二公園, 不過0的櫻花好多好靚, 係一係二都冇所謂啦~ 死啦, 淨話早餐明明食得好飽0架, 點解咁快就肚餓0既? 我都想整便當同0的frd一齊0黎, 或者下年啦, 約埋Emily佢0地一齊0黎, 一定會係咁食係咁食~ 咁樣我就會好開心~

講返琴日SHOCK, 佢話「足が続ける意味は何？」, 其實同「月の恋人」話「あなたは誰のために頑張ってる？」好似, 記得我當時話「自分のためにいいじゃん」, 係0既, 我都仲未搵到一個我想為佢而努力0既人~

再次覺得おにぎり係一個好偉大0既發明~ 十蚊個又唔算貴~ 如果香港0既seven都有就好啦, 我就唔駛成日食美心0的貴包~ 咁QQ飯糰可能會執笠~

我覺得自己好叻, 完全冇亂諗0野, 又冇好想見一個人, 其實我都真係一個幾冷靜0既人~ 「桜色舞うころ」下句係「わたしはひとり」跟住係「あなたへの想いを　かみしめたまま」~ 仲有「SAKURA ~花霞~」0既「私の心　伝えて　愛する人に」~ 但可惜我仲未搵到呢個人~ 一直相信上天會安排最好0既0野俾我, 只係唔知幾時~ 一直等一直等.............. 雖然わたしはひとり, 0係一個人0既期間, 鍛鍊自己成為一個更好更堅強0既人~

再去埋大宮第一公園~ 好多小食檔, 好熱鬧好多人~

係咪我有問題呢?? 行極都未到駅0既?? 又有0個種0係鎌倉0個時唔知點好0既感覺............. 唯一方法係信自己~ 雖然行0左好耐, 但其實我又冇行錯路0架喎~ 如果我叻0的, 可能唔駛行咁耐~

之後去岩槻城址公園~ 我以為唔係行0左好耐, 但睇個時間行0左成粒鐘!!! 有冇呀??? 不過個地圖幾仔細, check住行都OK 0既~ 見到0的人踩單車, 我又諗起LR (我以前寫0既同人)~ 「平松, 我0地唔好再鬥氣啦~ 我車你去車站~」, 超正~!!! 去到岩槻城址公園, 其實係冇乜花, 只係一個大0的0既細路係playground~ 我仲以為會見到座城添~ 個圖又話有, 後尾我都係唔見~ 不過叫得城址, 即係只係遺趾, 冇0左個城啦, 只怪我資料搜集不足~ 食0左mint chocolate雪糕呀, 超好食~ 其實我都有選擇困難症, 買雪糕要乜味都諗0左好耐~ 行返去, 雖然我都唔係好認得0的路, 不過聽住「K album」係咁行都幾舒服~

Seventeen Ice~

超有意思~

雖然已經冇太陽啦, 而且好攰, 但我都係要去上野公園, 因為今日plan 0左要去, 就要去埋~ 上野公園真係好厲害, 好多好多櫻花呀, 好似隧道咁~ 原來個相機有個防模糊模式係可以咁用, 咁0的相就會靚0的啦~ 有好多小食檔好多0野食, 好熱鬧~ 雖然人太多唔可以靜靜地諗0野, 但我又好鍾意熱鬧喎, 你話我份人係咪矛盾呀~ 見到0的小食檔令我諗起「brothers」(又係我以前寫0既同人)裏面我寫0既夏祭~ 雖然春祭夏祭我就寫得多, 但我都係第一次體驗到~ ラーメンバーガー好好食~ 但我始終覺得0的人唔應該0係公園到食煙囉~