私の旅行日誌~

Day 2

8月17  星期六

今天的行程~

09:30  Breakfast
11:50  出去
12:15  到昌德宮
14:56  離開
15:40  到明洞
           Lunch @김家네
17:45  到N Seoul Tower Cable Car
21:30  離開
           Dinner @McDonald’s
23:35 回到酒店
 

Breakfast~

所有0野都係我0既錯……………..
準時1145去房搵你, 你又未出得門口, 原來係我太早過0黎, 係我0既錯………… (不過後尾發現我0個邊個鐘的確係早0左兩三分鐘)
去到昌德宮, 又唔行得………… 不過個tour成個半鐘, 都真係好長~ 行得太耐又係我0既錯………… 其實我都唔知點解要0黎昌德宮, 我都已經0黎過~

一家四口~

去到明洞食0野, 我真係唔明點解行得咁慢……… 我真係唔知上次間0野係點行, 係0地都唔知, 點解指意我會知? 我只係認得字, 我堅係認得字, 但唔係之前去0個間分店, 不過你0地又唔信係同一間餐廳…………. 你0地唔認路又唔認得字, 但又唔信我, 咁想我點?
之後去搭纜車, 又嫌行得遠………. 上到N Seoul Tower之後又冇入Teddy Bear Museum, 原本仲話唔上去, 但阿祖好想上去, 咁點解唔上? (原來為0左就一個細路而要大家一齊上去都係我0既錯………. 我真係唔知點解要再0黎N Seoul Tower……… 今次係第五次0黎, 上去都係第三次……..) 其實已經係第五次0黎, 但每次0黎我都發現到唔同0既0野, 今次發現多0左好多細心位, 仲有隻真人扮好大隻0既Bear Bear, 仲有佢拍0既搞鬼cm, 排長龍上去時播俾0的人睇~ 只可惜, 望住同一風景, 我發覺我完全feel唔到個實感………..

呢個係真人扮0既Bear Bear~

 佢見人爬上去, 佢又要爬上去...........

首爾夜景~

冇諗過我家姐同個面具咁似樣~   

OK, 好多人排隊係我0既錯(今日係星期六!!!), 好晏先返到落去係我0既錯!!! 搵0野食都係我0既錯!!! 唔知食乜, 太夜餐廳收晒係我0既錯!!! 唔用點解咁驚硬係覺得會俾人呃囉……………. 唔明點解驚入0左去人0地會”kurl”你一頸血唔俾你出0黎(呢到唔係大陸!!!)………… 有餐牌睇0架嘛~ 食過一餐兩個人五百蚊0既燒肉, 我依家真係覺得冇乜值得要驚~ 結果最後(發牌氣???)話唔食返去, 返去碌麵食都得…………. 再最後係好地味咁食0左麥當勞………… 麥當勞0的人真係好唔掂, 如果0係香港我已經爆0左佢好耐~ 姑爺好似發脾氣好唔開心, 我都唔知點算………. 總之所有0野都係我0既錯, 我真係好無奈………… 我好想のんびり0的, 雖然係一大班人一齊, 但唔代表人多就會開心0的…………. 我覺得好有壓力………….. 突然好掛住我之前0既東京Hiking之旅, 就算一個人都可以好開心, 雖然都係好攰, 但心靈超滿足~
細路仔梗係想黐媽咪多0的0架啦, 你又同佢講媽咪要照顧你同細佬無得休息會攰死, 佢就唔想媽咪死寧願留得同你(阿婆)訓, 又話如果冇細佬就好, 我覺得阿祖真係好慘, 所以我都係叫返去訓~ 細佬真係好曳~
依家先係第二日, 我已經覺得好唔開心………… 我只係想大家都開心0的, 我已經唔係為搵實感而0黎, 難道我要到夜晚依家咁聽自己歌先可以のんびり0的??

今天的費用~