私の旅行日誌~

Day 2

6月19  星期四

今天的行程~

09:20  Breakfast
12:40  出去
13:10  到Siam
           到Siam Paragon
           到KidZania
19:05  離開上BTS
19:20  到Asok
19:33  回到酒店
21:17  再出去
           ~ Dinner
22:35  離開
22:30  回到酒店
 

今日起身真係勁攰!!! 其實大家都唔想起身, 但唔早起身又唔夠時間游水再去KidZania~
個早餐冇乜特別, 好似韓國間Ramada咁~ 游水真係好麻煩, 游完又要沖涼~ 搞到成十二點八先出去~
Bangkok BTS好嚴, 拎住0野食唔俾你上月台, 但成個站都冇垃圾桶……….. 最後有垃圾桶係閘外0既食檔, 要個職員俾我0地出返去”dump” 0左再入返0黎…………. 唔知係咪非繁忙時段BTS係有折, 個車費平0左~ 今日0既重點係去Siam Paragon 0既KidZania~ 雖然入到去好似入0左澳門威尼斯咁(天花扮晴天, 但燈光好暗, 所以影0的相都好暗), 但佢成個場同concept都好好, 真係好值得帶細路去~ 0的0野好好玩, 我都想玩~ 麥當勞整包、整壽司、入可樂, 整完仲可以自己食同飲, 有0的可以賺錢, 而且製作好認真, 有晒贊助, 感覺一0的都唔山寨~ 而且全程都要個細路自己去做, 家長唔可以幫手, 亦都唔可以入間鋪(一開始拎張飛去銀行換錢, 家長已經唔可以入去)~ 雖然話用剩0的錢(or賺到0既錢)可以用0黎買禮物(所以臨close時間shop勁多人, 同樣家長唔可以入去, 只可以小朋友入去揀), 但正常0既都係得幾十Z (呢到KidZania用0既貨幣), 根本買唔到0野(一係就買埋0的完全冇用0既0野………), 所以阿祖揀0左好耐都揀唔到~ 雖然後尾有對外國姐弟俾0左67Z阿祖(因為佢0地都揀唔到), 阿祖最後都係揀唔到~ 雖然話唔再0黎0既話佢”炸”錢就冇用, 我都覺得唔應該因為咁換0的無無聊聊唔想要0既0野返去~ 如果成日0黎0既話, 可以去銀行開個bank acct存錢, 佢會俾張ATM card你~

KidZania入口

買飛地方係check-in櫃檯~

check-in~

 去銀行換錢~ 佢0地手上每人有一隻好似手錶0既感應器, 個小朋友去到每間鋪, 職員都會"嘟"一下, 如果家長同個小朋友失散0左, "嘟"一下就知個小朋友去0左邊間鋪~

扮飛機師, 由Air Asia贊助~

扮消防員, 首先要細心聽講解~ 所有工作人員都係講英文0既~

然後上消防車~

然後救火~

之後阿祖話要去揸車, 但要考車牌先, 考牌前要先去驗眼~ 眼科由Hoya贊助~

跟住就去上course考車牌~ 佢會用電腦同個細路影一幅相, print一張硬膠卡車牌出0黎~

揸車之前要先入油~

終於可以揸啦~

然後係麥當勞整漢堡包~ 佢會問你想整漢堡包定豬柳漢堡~

之後就可以食返自己整0既包, 大人亦都可以0係隔離買麥當勞食~

扮速遞員~ 佢會俾幾件貨你, 送去場內0既鋪頭, 仲要簽收~ 0的工作人員成日會同0的細路一個手勢(好似相中個姐姐咁), 不過阿祖成日都唔係好理人~ 呢間就係換禮物0既鋪頭, 0的禮物真係一0的都唔吸引~

扮收銀員, 由7-Eleven贊助~ 呢兩個姐姐唔係太好耐性, 佢0地同阿祖做0個個手勢係用右手, 阿祖做0既時候用左手(因為佢係左優), 但個姐姐死都要佢用右手............

扮救護員~

講解完就坐救護車去救人~

真係有個工作人員訓0左0係到等佢0地救~ 每個小朋友都用聽筒聽下佢0既心跳~

之後就搭救護車返診所~

呢個construction site冇乜人玩, 不過阿祖都幾鍾意, 因為好似砌Lego咁~
 
其實KidZania好多國家都有~ 應該早0的0黎玩, 因為平日收五點, 仲有好多0野未玩~ 星期六日收夜0的, 但會好多人~ 雖然我覺得阿祖一個人都玩得幾開心, 不過如果多一個同齡小朋友一齊會開心0的~ 而我0地就一直0係後面跟住佢~
http://www.kidzania.com/
http://bangkok.kidzania.com/en-us/ (KidZania Bangkok)
Siam Paragon, 5/F Tel: 0 2683 1888
Mon - Fri : 10.00AM - 5.00PM
Sun-Sat & Public hol.: 10.30AM - 8.30PM

玩完之後休息0左一陣, 再行0左陣supermarket, 然後買0左Krispy Kreme返去~ 佢0的味冇乜特別, 但唔知點解有原味0既donut派, 好抵~ 0的泰國人都幾鍾意細路, 個職員姐姐猛派俾阿祖, “矮”佢要, 但阿祖唔想食, 耍手擰頭死都唔要, 個職員好無奈, 我就接0左個donut~ 跟住個職員再試過, 阿祖都係唔要, 仲話:「我唔想食呀, 仲乜要逼人要0者?」~ 跟住我家姐過到0黎, 就接0左個donut~ 就係咁, 我0地就唔駛錢多0左兩個原味donut~

 Transformers就0黎上, 所以Siam Paragon有0的figure~

之後搭BTS返去~ 死啦, 我開始好唔舒服, 先係左眼視線模糊, 個頭有0的暈, 返到去之後勁頭痛, 之後就左手有0的痺, 我係咪有隱疾呢?? 之後再出去食0野, 一路行個頭一路劇痛, 呢一刻我真係好想食一粒神藥EVE~ 我又係衰0既, 出0黎之前又冇搵藥食, 我亦都冇出聲話我好唔妥, 一直行去我0地要去0既地方, 行0左半粒鐘~ 原本打算食SUMI GRAND (起初睇Google Map行廿分鐘以為唔係好遠, 但其實幾遠下), 行0左咁耐先行到去, 佢竟然就close (收十點)!!! 其實都好0既, 我個頭痛到食唔落0野, 食SUMI GRAND就好0徙錢~ 最後唯有食對面間日本餐廳, 係鐵板燒, 其實都幾好食, 香港正常價位, 唔太貴, 唔係好平~ 其實都幾好食, 但我個頭痛到想嘔…………… (我真係去0左廁所嘔) 0的人service好好, 佢0地又係好鍾意細路, 阿祖做咩佢0地都猛咁笑~ 之後仲有雪糕送, 個職員仲好細心問我家姐我食唔食得雪糕(我冇食)~ 其實我係肚餓0既, 但我真係食唔落, 就打包走~ 我家姐話個店長出埋0黎, 係日本人, 我都冇乜點理, 我痛到冇乜意識~ 走0個時佢0地勁講多謝拜拜下次再0黎, 好熱情下~ 但唔好以為佢0地冇客所以一有客就好熱情, 其實我0地走0既時候都仲有好多客~
走0既時候一出去就有的土~ 返到去我個頭都仲好痛, 我真係唔知乜事, 未試過去旅行唔舒服到咁辛苦……….. 好彩食0左Panadol就冇事啦~ 後尾再叮返熱0的0野食, 個炒麵大阪燒(焼きそばお好み焼き)真係好好食~
其實張床三個人訓真係好窄(間房唯一0既唔好處就係張床唔算好大), 仲有搶被0既情況出現………… 我想訓梳發, 但又冇被…………

今天的費用~