私の旅行日誌~

Day 134

2月1  星期六

今天的行程~
冇出去…….

琴晚好早就瞓咗~ 印象中發咗好多個夢~ 
琴晚post咗個好長嘅呃like post, 但我嘅呃like能力真係唔高, 過咗一晚先得24個like, but it's good to express myself on 大年初一~
因為聽日要出去成日, 今日要好努力睇readings先得~ 雖然Film & Modernity啲readings我睇完都係唔係好記得, 但好明顯比Postcolonial Discourses啲readings易睇好多好多(<-完全係外星文)~
朝早落好大雨, 不過晏晝就好好天, 好好陽光~
唉, 包魚丸壞咗, 我食咗幾粒咋……….. 我都知應該放落冰格, 但佢個冰格又太凍………… 估唔到咁快就壞, 成2.9€, 仲好好食添…………. 成大包要”dump”, 真係好嘥…………. 唉, これは今日失敗のことだ!! 仲有好多嘢未食晒, 我又好想煎年糕, 不過今朝三姐妹整咗pancake (我仲諗住食waffle添………), 之後Patience一直喺廚房, 我又唔好意思入去, 仲要俾佢話我包魚丸壞咗……….. 所以呢, 我都係要等佢用完我先可以用廚房㗎~

今天的早餐~

二妹帶咗個friend返嚟, 係blonde, 超靚女~
係咁睇readings同睇書真係好悶………….. 不過《The Purser》容易睇好多~ nothing's special today~ 上網都冇嘢好睇…………. 如果有一刻可以得我自己一個喺到就好啦, 我真係好唔習慣有咁多人喺到, 老實說我真係好習慣一個人~ 
我終於知道悶嘅原因係因為冇劇煲~ 睇咗大半日readings同書, 決定㩒「明日、ママがいない」嚟睇下~ 嘩, 好堅下班細路, 係細路劇, 但全部細路都做得好好, 尤其係芦田愛菜, 9歲可以咁勁, 日本啲細路真係唔同啲~ 雖然套劇嘅表達方式俾人投訴, 但係劇啫, 不用太認真~ 芦田愛菜勁型!! 一次過睇晒三集, 都OK好睇, 有啲位都幾感動~