私の旅行日誌~

Day 141

2月8  星期六

今天的行程~
冇出去……….

琴晚我又牙痛到流眼淚……….. 不過琴晚都瞓得幾好~
今朝早啲起身打去牙醫, 但冇人聽, 星期六應該唔開……….. 大部份牙醫星期六都唔開, 希望我可以捱到星期一啦~ 我自覺忍痛嘅能力都好高下, 但其實唔係好事, 明明痛咗好耐, “dump”下”dump”下搞到依家………..
好開心呀, 終於有一個長啲嘅時間得我自己一個啦~ 不過今日天氣好差, 仲落大雨~ 不過好快就停咗, 巴黎呢到落雨一係就唔係好大, 一係大啲但好快停~ 
我係反省系, 諗起琴日個Dissertation session, 我啲英文真係好差……….. 每講一句說話我都要冷靜啲先得~ 其實學過咁多語言, 我知道自己係冇語言天份, Oral同listening都好差…………. 係喎, 無論以前考CE、AL、IELTS、日文能力試都係咁~ 琴日有啲嘢係講錯咗㗎, 不過算啦, 都冇人知, ,下次唔好再錯啦~
落完雨之後好好陽光!!! 不過出面勁大風……….. 再之後突然又再落雨………. 
原來唔出去一個人喺間屋到都可以好~ 自己整afternoon tea, 有花花瓷杯碟, 有濾紙咖啡, 再加上lace枱布, 睇落都幾正~ 喺香港時曾經都冇諗過買個靚靚三層high tea架返屋企自己整high tea, 仲要自己整晒架上面嘅食物, 包括我自己整嘅蛋糕~ 不過我都係諗下啫, 一來買個架好貴(除非淘寶), 二來我未見到一個好靚好鍾意嘅, 三來要實行時其實好麻煩下…………. 人就係咁㗎啦, 諗就天花龍鳳, 到真係要做時又的唔起心肝, 然後就一事無成~ Anyway, afternoon tea再加上聽住我嘅「Paris Lunatique」list (個list重點有中島美嘉嘅「エピローグ」同嵐嘅「Bittersweet」), 真係好正呢一個下午~ 
今日睇咗一日readings, 又寫咗啲小說, 為咗獎勵自己, 我就繼續睇「來自星星的你」啦~ 第二、三集超好笑, 全智賢真係好靚好有星味~ 一次過睇咗三集, 成五點幾先瞓………… 但已經播到15集啦, 我要急起直追先得~

(P.S. 依家我已經唔記得個「Paris Lunatique」list我入咗咩歌啦……… 不過就好記得中島美嘉嘅「エピローグ」「MY GENTLEMAN」同嵐嘅「Bittersweet」, 當年成日邊行去Gambetta邊聽, 到依家聽呢兩首歌都仲覺得好Paris~ 個list好似仲有KinKi嘅「銀色 暗号」~)

呢個tea當中嘅Pain au chocolat同Madeleine都好French, 哈哈~