私の旅行日誌~

Day 150

2月17  星期一

今天的行程~
15:07  出去
15:18  到Gambetta
15:47  到Vavin
15:53  到clinic
16:28  離開
16:38  上metro
17:07  到Gambetta
17:23  回來

今日重點係要去睇牙醫~ 首先我都係check下成績先, 但冇喎, 唔知點解, anyway, 我都焗唔切蛋糕㗎啦~
今日天氣都幾好, 但冇琴日咁好陽光, 不過好暖喎~ 唔知點解隻右手1搽極hand cream都好乾, 用搽面嘅cream搽手就好啲啦~
出去睇牙醫, 我都唔知我做乜, 頸巾冇帶, 水冇帶, handcream冇帶……… 好準時去到棟大廈, 完全唔知點開門啲門鐘喺邊………. 好彩上次問咗佢喺幾樓咋~
等咗陣, 入去間房時已經係16:10~ 感覺唔係咁pro, 都冇可以推嚟推去仲會自己出水嘅嗽口盤~ 感覺好奇怪, 個牙齒自己做埋register, 後尾仲自己出埋單收錢, 咁reception淨係聽電話?? 好彩開門嗰個英文好好, 個牙齒都可以講英文~ 不過佢真係唔做check-up, 我話咗智慧齒蛀咗佢就淨係睇隻智慧齒………. 佢同我剝隻牙, 係咁行出去攞嘢……… 其實佢落咗麻醉藥我係唔痛嘅, 不過佢好粗暴咁撬隻牙, 我有啲驚~ 不過好快就搞掂, 但佢完全冇俾我”long”口囉!! 佢收錢時我仲掛住影相, 哈哈, 因為我sense唔到個牙齒自己會收埋錢~ 比我想像中平, 都係同香港差唔多, 仲要有照X-ray~ 佢開咗藥單俾我, 我仲要去Pharmacy買藥………… 之後佢就送咗我出大門口, 完全去唔到廁所”long”口………. 我個口左邊脷好麻………… 去埋Pharmacy買藥先, 都唔貴~ 個女仔啲英文好好~ 我發現最重要就係問人識唔識英文~ 之後就返去啦, 我都冇心情再去第二度, 而且我feel到我成口都係血………. 希望剝咗隻牙之後唔再痛啦~ 淨返落嚟就係要搞claim form啦~ 佢同我講啲止痛藥點食, 其實佢講咗三次我都唔係好明佢嘅意思, 所以我問佢係咪唔痛唔駛食, 佢就話唔好等到痛先食~ Anyway, 佢有打到點食, 我返去自己查啦~ 不過我返去睇一睇都明, 可以唔查, 都係四個鐘食一次嗰啲~ 返到嚟整claim form, 我先發覺我俾少咗錢個牙醫, 應該係41.42€, 我俾咗41.2€佢………… 其實我都唔明點解剝牙張食藥, 細個剝牙都冇食止痛藥~

 個感覺同喺香港嗰啲白雪雪打晒大白光燈冷氣好凍嘅牙醫診所好唔同~

今日另一個重點(unexpected嘅), 就係我訂咗機票返香港啦~ 最後訂咗QR~ Check個時明明係494€, 一”禁”continue就變咗501€……….. 不過都平過EK好多, EK要64x€~ 原來QR都係30kg allowance, 太太太好啦~
返到去食返琴日個蛋糕, 我發現佢係局部”鯨”(可能因為唔夠燕菜粉, 一嚿嚿嗰啲俾我篩走咗), 同埋其實係幾好食, 個底好OK~ 我發現排朱古力佢哋食咗好多…………. 
老實說隻牙跟咗我咁耐, 依家少咗隻牙真係有啲唔慣………. 唔知點解變咗少少喉嚨痛…………..
依家有好多專欄都講千頌伊素顏妝, 我都好想學下~
我真係覺得自己今日好勇敢呀, 真係要唱返首「勇敢な君に」先得~ 聽日要好好獎勵一下自己~

今天的費用~