私の旅行日誌~

Day 138

2月5  星期三

今天的行程~
冇出去……….

晨咁早天都未光, 我家姐就Tango嚟, 佢都傻㗎……… 差唔多十二點就起身, 同佢哋Skype咗一陣, 不過又係成日都聽唔到我講嘢, 好煩………… (我同Xavier Skype又冇話聽唔到我講嘢喎)
終於都煎咗個年糕, 原來切開晒唔係好多, 而且都幾易煎~ 之後剩咗啲蛋就煮咗奄列~ 佢個pan好易煎, 下次可以試下整蛋包飯~
除咗啲museums, 我發現我有好多地方嘅macarons、甜品同下午茶好想試!! 除咗Ladurée, 原來Emily叫我買茶嘅Mariage Fréres係出名㗎, 兩間都有afternoon tea~ 少不免要駛啲錢啦~ 希望Katie (我個小學同學, 平時我叫佢中文全名, 呢到我姑且唔開佢全名啦)嚟嘅時候可以同我試其中一間啦~ 巴黎, 雖然唔係好大, 但有太多嘢可以睇可以試啦, 三個月真係唔夠時間~ 好嘢, Katie覆返我啦!! 我咃約咗去Ladurée~ 
我真係唔明點解呢家人點解可以咁夜先食飯……… 三姐妹可以唔食就瞓覺………. 最後我自己煮炒麵, 今次我又係落唔夠麵, 跟住我又發現我包糖未開, 我就落咗另一包唔多甜嘅糖, anyway, 總之煮出嚟唔甜, 好唔開心……… 然後我發現我買嘅提子汁剩返唔夠一杯………. 唉, 算啦, 好又一餐唔好又一餐~ 為咗慳錢, 我諗我要繼續做蝗蟲至得啦~ Patience似乎好鍾意食啲年糕, 佢食晒(雖然唔係好多)………. 然後我炒麵佢又好好奇咁望住, 不過今次真係唔係煮得咁好~ Carrefour嘅蘋果汁同提子汁都好好汁, 但為咗慳錢, 我要飲少啲先得啦~

煎年糕

奄列