私の旅行日誌~

Day 144

2月11 星期二
 

今天的行程~
冇出去…….

每次打電話我都要下一個好大嘅決心先會打, 我都唔明點解我咁驚打電話………..
Anyway, 我打去牙齒到, 個reception女仔啲英文都好麻麻……….. 要book到下個星期一四點先有得睇囉!! 呢到啲人真係唔夠efficient!!
我問佢check up幾多錢, 佢好似唔知咁, 咁佢喺到做乜?? 佢同我講24€, 有冇咁平呀?? 但Anyway, 幾多錢我都係要睇㗎啦, 唉~ 希望個牙齒係識英文㗎啦~ 希望做treatment唔駛又再約另一日啦, 我想一日搞掂佢~
不過我都終於問個reception間診所係咪喺二樓, 佢同我講法文我又唔係好聽得好清楚, 依家諗返起佢係同我講deuxième~
唉, 我真係最憎最怕就係等!!
等咗成個鐘小學同學Katie都係冇msg我, I’m so ready to go out!! 我SMS佢, 佢又冇覆我, 究竟佢依家喺邊呢?? (原本我哋約咗今日去Ladurée)
越嚟越晏啦, 冇乜時間去Ladurée啦, 仲等我咁期待…………
無論點都好, 佢都應該send個msg俾我呀, 搞到我唔知點好………..
老實說我好嬲呀!! 化晒妝, 可能最後都係唔出去…………….. SMS佢都唔覆我我真係唔知可以點再聯絡佢………….. 化晒妝又冇出去, 我真係覺得自己好低能!! 黠解會搞成咁㗎?? Total screw up!! 我真係好好好失望呀……..
估唔到咁多年冇見, 最後係搞成咁……… 我仲可以搵邊個同我去Ladurée呢??
因為真係好好好唔開心, 聽日要做啲嘢令自己開心下~ 希望聽日會有好事發生啦~ 
原來韓國都係用LINE㗎喎~ 全智賢真係好好笑~ 佢真係做得好好, 又夠誇~ 
雖然我係好嬲好失望好唔開心, 不過我都希望佢係聯絡唔到我而唔係冇乜事發生~
唉, 雖然後尾知係一個誤會, 但我都係好唔開心………. 不過佢有去到Ladurée, 覺得fine咋喎~
好似好多日冇咁一家人齊人食飯啦~ 有時三姐妹講嘢都幾好笑~ 佢哋都幾open咁講男女朋友嘅嘢, 阿爸阿媽又唔介意, 真係culture唔同~ 不過黑人嚟講我覺得二妹都幾靚女, 仲超好身材~
最後又約咗Katie聽晚一齊食飯, 希望今次可以傾耐啲啦~ 我都希望我哋咁耐冇見, 可以好好咁傾計, 留個美好回憶~ 算啦, 我都無謂唔開心啦, 好多嘢都係整定~
「來自星星的你」第十一集個後尾好感動呀!! 都敏俊停住時間行去鍚咗千頌伊一下~
睇「來自星星的你」喊, 睇「失恋ショコラティエ」又喊………. 呢集都好好睇呀, 一路食朱古力一路睇, 感覺好幸福呀~ 英國auntie盒薄荷朱古力原來好好食~