私の旅行日誌~

Day 148

2月15  星期六
 

今天的行程~
16:15  出去
16:41  到Père Lachaise Cemetery
17:46  離開
18:20  回來

琴晚睇「Grey’s Anatomy」睇到差唔多四點, 我都成差唔多六點先瞓, 今日都係超眼瞓…………
今日其實冇乜嘢做, 但見天氣幾好, 留喺到又有啲悶, 我就去Père Lachaise Cemetery啦, 反正好近可以行去~ 其實可以再快啲行到去, 但去到Place Gambetta我又唔知方向, 有行錯路……….
個Cemetery都幾多人~ 我有四個points係要check嘅, Oscar Wilde、Chopin、Jim Morrison同Haussmann~ 果然由Gambetta入行落去Père Lachaise係好行好多~ Oscar Wilde同Chopin都幾易搵, 但Jim Morrison幾難搵~ 但佢個碑係寫James Morrison, 我唔係好明點解……. 因為佢個原名係James Morrison (from Wiki)~ 途中都有啲中國人嘅墓碑, 有一個合葬碑兩個人係生於廣東寶安, 同我貫藉一樣~ 其實我真係唔想影人啲墓碑, 好似好唔尊重咁, 但啲墓碑真係好靚, 個個都係藝術品咁~ 西方嘅墳場真係好唔同, 感覺好peaceful好舒服~

Oscar Wilde

Crematorium and columbarium building

 Chopin

 Jim Morrison

搵完Jim Morrison, 我應該去搵Haussmann, 點知我俾個管理員截住咗, 雖然我唔知佢講乜, 但我明佢叫我上車, 佢話close啦, 所以我又上咗陌生人車(不過佢係管理員, 冇事嘅)~ 佢車我落去門口, 其實都唔係好遠, 我行落去都唔係好耐啫~ 落咗車我望一望個時間, 先至1746 (收1800), 仲有咁多時間, 佢分明係趕我走趕住收工(我都明阻人收工尤如殺人父母)~ 結果我只係check咗三個points………..

離開時都開始天黑~

出咗閘行返大路, 左定右, 完全唔知應該行邊邊走………. 揀咗右邊, 好彩係啱啫~ 行返去時突然落好大雨, 嚟咗成個月第一次落咁多雨喺條街到…………. 其實我只要五分鐘就行到返去㗎啦………….. 都好濕下~
返到去食返琴日個蛋糕, 我發現佢係局部”鯨”(可能因為唔夠燕菜粉, 一嚿嚿嗰啲俾我篩走咗), 同埋其實係幾好食, 個底好OK~ 我發現排朱古力佢哋食咗好多…………. 
唉, 我呢個禮拜真係駛咗好多錢…………… 
睇埋「明日、ママがいない」先瞓~ 我覺得幾好睇, 我希望唔好因為投訴而改劇情~